我諗有色斑煩惱嘅女仔都知道，一旦生咗色斑出嚟，就唔係咁容易整得走......淨係靠搽美白cream、去斑精華之類，真係唔知到何年何月何日先至可以清得走啲色斑......所以有好多人都建議，要又快又有效K.O.色斑，就真係去打斑會直接得多！但係而家啲美容院咁多打斑療程，到底邊一款先至真正有用呢？
實在見到有太多女仔都好困惑，同埋我都有啲fd叫我share吓有咩去斑療程係做得過......所以今次就想同大家分享返2個我試過嘅去斑療程，坦白講，2個激光去斑療程都有好有唔好，不過我介紹得，都代表係做得過嘅！有興趣試吓做激光去斑嘅女仔就千祈唔好錯過！
今次想講嘅去斑療程有2個，分別係JC Beauty R4雙效皮秒療程，同埋Perfect Medical PicoCure超皮秒去斑療程，2間美容院都係幾出名的，一直都有唔少忠實擁躉......我身邊都有唔少朋友去開JC Beauty同Perfect Medical做Facial，我就試吓係儀品、效果、服務呢幾方面，同大家講吓佢地有咩優缺點啦~
療程比較1. 儀器技術
第一次先嚟講吓JC Beauty嘅R4雙效皮秒療程，一開始我都覺得好奇怪，究竟「雙效」係咩意思？之後上網搵吓資料，先知道原來JC Beauty R4雙效皮秒療程係用咗2部儀器機，分別係膚質轉向儀同皮秒激光機，療程開始個陣，首先會用膚質轉向儀，聲稱可以重新排列肌膚細胞，提升皮膚嘅含水量，令之後做皮秒激光個陣，皮膚唔會受太多刺激~
其實我覺得呢個「設計」係幾好！因為好多女仔雖然想做皮秒去斑，但因為皮膚太乾，所以好多時打完斑，塊面都會又紅又痕......JC Beauty R4雙效皮秒療程嘅膚質轉向儀，可以話係先幫皮膚打好底，之後再做高能量療程個陣，皮膚就會更加穩定！
至於JC Beauty R4雙效皮秒療程所有嘅皮秒機，就話係皮秒三代，我都唔知即係用咩技術......不過我做JC Beauty R4雙效皮秒療程個陣，打斑個part的確唔太痛，亦冇咩刺激性......因為冇太多資料，所以我都俾唔到太多comment……
另外一個療程，就係Perfect Medical PicoCure超皮秒去斑療程，PicoCure呢部機應該係現時為止，唯一一部有4種激光波長嘅皮秒機(如有錯請指正~)，Perfect Medical PicoCure超皮秒去斑療程4種波長分別係2種納秒激光+2種皮秒激光，將最常用到嘅激光技術係同一部機入面用曬~
成日聽人講，做打斑療程一定要揀皮秒，其實皮秒都唔一定好，因為最緊要睇吓你皮膚咩狀態，同埋啲色斑嚴唔嚴重，我自己做完Perfect Medical PicoCure超皮秒去斑療程嘅consultation，就覺得皮秒+納秒呢個treatment比較啱我，因為我有啲色斑比較大塊，有啲就細點啲......Perfect Medical PicoCure超皮秒去斑療程就會先用納秒激光打散大塊嘅色斑，再用皮秒激光粉碎埋餘下嘅色素，去斑效果嚟講，會比起淨係用皮秒激光更加徹底~
療程比較2. 效果
好，講咗咁多資訊性方面嘅野，相信各位最想知嘅都唔係呢啲......講真，做得去斑療程，無非都係想K.O.面上啲色斑，如果做完之後一粒斑都清唔走，咁無論部儀器機有幾勁都冇用......
JC Beauty R4雙效皮秒療程一共有2部機，做完第一部膚質轉向儀個陣，好明顯覺得自己啲皮膚好咗、飽滿咗，摸落亦都冇咁乾燥，本身我顴骨同下巴都幾容易紅同甩皮，做完膚質轉向儀之後，會覺得肌膚紋理細緻咗~
而JC Beauty R4雙效皮秒療程之後做嘅皮秒第三代，我就覺得效果相對地冇咁明顯......我都知道去斑呢啲野，一定冇可能一次就清得曬，但我覺得做完JC Beauty R4雙效皮秒療程之後，曼多都係膚色亮白咗，毛孔有細到少少，但係對於減淡色斑就冇咩好顯著嘅效果......
就算做完JC Beauty R4雙效皮秒療程過咗1,2個星期，我面上嘅色斑都好似冇咩變淡嘅跡象，不過膚色均勻呢一點就keep得幾好嘅~
另一個Perfect Medical PicoCure超皮秒去斑療程，我就覺得佢嘅去斑效果明顯好多！一做完個刻，照鏡就覺得皮膚細緻咗、膚色均勻咗，雖然啲色斑冇即時減淡到，不過過咗1個星期左右，就見到面上嘅色斑漸漸淡咗三分一左右......
而且做完Perfect Medical PicoCure超皮秒去斑療程之後，皮膚都冇紅、冇腫、冇甩皮，不過我就覺得Perfect Medical PicoCure超皮秒去斑療程嘅能量比JC Beauty R4雙效皮秒療程會高啲啲，加上唔會有另一部機幫你嘅皮膚打好底，所以最好都係養好皮膚狀態，至少唔好咁乾燥、缺水嘅情況下去做，咁就最好啦~
療程比較3. 服務質素
除咗效果，美容院嘅服務質素都係好重要嘅一環，而家啲美容療程閒閒地都幾千蚊起，各位女仔比得幾千蚊出嚟，就梗係想有好嘅服務啦......
JC Beauty就係行單次收費嘅模式，係網上宣傳都話唔會hard sell，不過經過我親身去做完JC Beauty R4雙效皮秒療程，我就覺得同網上所講有少少出入.......的確JC Beauty係單次收費，之但係佢地嘅職員就唔算唔hard sell啦......當我坐低係顧問房嘅時候，JC Beauty嘅staff就不斷同我講而家咩咩療程咩價錢、點買會抵好多、又話可以join會員用會員價.......聽到我都一舊雲咁......
咁雖然到最後JC Beauty嘅職員都冇強迫話一定要買任何療程，但係過程中我就感受到少少壓迫感......定力差啲嘅話，真係可能會拎銀包出嚟俾錢架......
另一間Perfect Medical相對嚟講，我嘅體驗就好好多，之前上網有睇過，有啲網民話Perfect Medical係黑店，hard sell到唔比人走......不過我去做Perfect Medical PicoCure超皮秒去斑療程就冇呢個問題，Perfect Medical嘅職員仲幾好人、幾細心~加上唔hard sell，就算真係要買treatment，感覺上條氣都會順啲(笑)......
相信大家睇完我嘅分享，都有心水究竟皮秒去斑邊間好，順便提吓大家，而家Perfect Medical嘅PicoCure超皮秒去斑療程做緊優惠，上網登記就可以有一次免費體驗，性價比真係好高！唔想走寶就快啲去試吓啦！
